Astronomët kanë zbuluar molekula uji në atmosferën e një ekzoplaneti të vogël 97 vite dritë larg nga Toka përmes teleskopit hapësinor Hubble.
Planeti, i quajtur GJ 9827d, është rreth dyfishi i diametrit të Tokës dhe është ekzoplaneti më i vogël i zbuluar që ka avuj uji në atmosferën e tij, sipas një studimi të ri.
Uji është thelbësor për jetën, siç e dimë, por ky planet nuk ka gjasa që të mbështesë ndonjë lloj jetese për shkak të temperaturave të larta që do ta kthenin atë atmosferë të pasur me ujë, në avull përvëlues.
Astronomët ende nuk e kanë zbuluar natyrën e vërtetë e vërtetë të atmosferës së kësaj bote të pazakontë, por zbulimi hap rrugën për hetime të mëtejshme studiuesit kërkojnë të kuptojnë origjinën e planetëve përtej sistemit tonë diellor.
Gjetjet u publikuan në revistën shkencore “The Astrophysical Journal Letters”.
“Uji në një planet kaq të vogël është një zbulim historik”, tha në një deklaratë bashkëautorja e studimit Laura Kreidberg, drejtore menaxhuese e departamentit të fizikës atmosferike të ekzoplaneteve në Institutin Max Planck për Astronominë në Heidelberg, Gjermani.
“I afrohet më shumë se kurrë karakterizimit të planetëve vërtet të ngjashme me Tokën”.
