Kryetari i ASH-sẽ, Arben Taravari ka folur për Alsat lidhur me idenë e frontit evropian të promovuar nga kreu i BDI, Ali Ahmeti.
“Tash për tash nuk kemi një qëndrim. Por unë e kam thënë edhe në kryesi se nëse ASH do shkojë me BDI, do humb një pjesë të votuesve dhe përkrahësve të saj, sepse do jenë indiferent se nuk votojnë BDI apo do votojnë një parti tjetër. Unë në parim jam që ASH të dal vetëm”, theksoi Taravari pẽr Alsat.
Taravari: Lëvizja BESA ka rritje të elektoratit
Në pyetjen e gazetarit të Alsat se ASH ka rënie të besueshmërisë, Taravari e mohoj duke konfirmuar rritjen e Lëvizjes BESA dhe jo rënien e ASH.
I pyetur në lidhje me atë nëse ASH është dëmtuar pas hyrjes në Qeveri me BDI-në, Taravari tha se nëse nëhet analizë ka pjesë që edhe e kanë dëmtuar por ka çështje që janë ndryshuar me ASH në Qeveri.
Sa i përket zgjedhjeve të reja Taravari tha se vazhdon të mendoj që ASH duhet të del vet në zgjedhje por se vendimin final do ta marr në Kryesi.
