Koordinatorja e grupit parlamentar të Aleancës për Shqiptarët, Ilire Dauti, ka lënë të kuptohet se partia që përfaqëson ajo nuk e mbështetë nismën e VMRO-DPMNE-së, për bllokimin e Kuvendit.
“Është e drejtë e çdo subjekti politik që të ndërtojë strategjinë e vetë të veprimit. Në këtë drejtim ka vepruar me siguri edhe kryetari i VMRO-DPMNE-së, siç është e drejtë edhe e Aleancës për Shqiptarët që të ndërtojë strategjinë e vetë të veprimit, ashtu siç kemi ardhur sot në Kuvend për të futur në procedurë parlamentare dy propozimligje”, tha Dauti.
