Asamblisti i Lëvizjes Vetëvendosje në Komunën e Fushë Kosovës, Vlonjat Hasani, ka njoftuar se ka marr kërcënime nga drejtori i Arsimit në këtë komunë, Fadil Krasniqi, i cili mbanë edhe postimin e nënkryetarit të komunës dhe kryetarit të LDK-së në këtë qytet.
Hasani përmes një postimi në Facebook, ka treguar se kërcënimet kanë ardhur pasi që komuna ka vendosur që të ndajë 4 mijë e 200 euro për Mekanizmin Koordinues kundër dhunës në familje.
“Sot mora një kërcënim të hapur nga Nën-Kryetari i Komunës së Fushë-Kosovës, njëherit Kryetarit të LDK-së në Fushë-Kosovë e Drejtor i Arsimit… U dha Raportimi i Mekanizmit koordinues kundër dhunës në familje. Sipas zyrtarëve që raportuan, ndër të tjera u tha që komuna i ka parashikuar ndarjen e 4.200 € për vitin 2023. Unë ngrita një shqetësim lidhur me këtë qeshje. Si është e munduar që një komunë të cilës i teprojnë buxhet prej 5,6,7 milion euro, të ndajnë vetëm 4.200 € për rastet e grave të dhunuara dhe socializmit të tyre!? Kjo për këtë Komunë është “TURP”…!!!”, ka shkruar Hasani.
Ai tutje ka shkruar se një person i emëruar politik ka kërcënuar një të zgjedhur në sallën e Kuvendit Komunal nga qytetarët, dhe sipas tij nuk do të ndalen pavarësisht kërcënimeve dhe se koha e heshtjes ka mbaruar.
“Sepse, ky fenomen kërkon përkushtim serioz dhe vendosmëri për përmirësimin e gjendjes, investim serioz dhe konkret… Në ditën kur Nën-Kryetari i komunës (meqenëse Kryetari nuk është prezent asnjëherë nëpër seancat e Kuvendit), të ulë kokën nga turpi se nuk kanë veprime konkrete institucionale rreth kësaj çështjeje mjaft të ndjeshme, ai fillon dhe bënë kërcënime ndaj meje, madje atë publikisht… Një i emëruar politik, kërcënon një të zgjedhur nga qytetarët, në sallën e Kuvendi Komunal, në vendin ku fjala publike është e garantuar jo vetëm me ligjet e vendit, por edhe me ligjet e konventat ndërkombëtare…!!! Zëri i qytetarëve do të dëgjohet dhe nuk do të ndalemi edhe pse ju kërcënoni…!!! PRA, KOHA E HESHTJES KA MBARUAR!”, ka përfunduar Hasani.
