Ka shumë tashmë projekte dhe hite në treg, duke nisur nga bashkëpunimi me Besnikun e NRG Band e deri te këngët e tij të suksesshme solo, ku dallohet për stilin e tij unik. Po flasim për këngëtarin Nikoll Prenqi, i cili, siç edhe kishte paralajmëruar, ka tashmë gati IP-në e tij të parë me super projekte.
Mësojmë se ai si inspirim ka marrë për këtë IP idhujt e tij, si: Usher, Craig David dhe Chris Brown, dhe do të kemi një shqiptar me një stil super, me një miks të të tre artistëve botërorë. Nikolli ka punuar 6 muaj për këtë super projekt, dhe mësojmë se tekstet i ka shkruar vetë ai, pra çdo gjë.
Ndërsa kënga në këtë IP me titull “Say the Word” do të shoqërohet edhe me videoklip, po nuk mund të mohohet fakti se ndoshta, sipas informacioneve tona, mund të sjellë të gjitha këto këngë edhe live, me video në formë akustike.
Ky IP, që do të quhet “Love and Vibes”, pritet të publikohet nga mesi i prillit, ndërsa të premten ai sjell dy këngë nga albumi “Say the Word”. Ne mezi presim, duke ditur zërin dhe stilin unik të djaloshit me origjinë nga Kosova.
Burimi: botasot.info
