Mikel Arteta, në konferencën e organizuar për shtyp para ndeshjes ndaj West Hamit, ka folur në lidhje me gjendjen fizike në të cilën gjenden dy lojtarët e tij, Takehiro Tomiyasu dhe Bukayo Saka.
Saka u lëndua gjatë ndeshjes kundër Manchester United, ndërsa Tomiyasu, përkundër që u kthye nga një lëndim i gjatë, ende nuk ka luajtur asnjë minutë në Premier League.
Për Sakan tha se shpreson të jetë mirë, duke shtuar se rikuperimi i ka ecur kënaqshëm, ndërsa për Tomiyasun do të merret nesër vendimi nëse do të ketë minuta në derbin e vogël londinez.
“Shpresoj që ai të jetë mirë. Ai e pati një lëndim në fund të ndeshjes së kaluar, por rikuperimi po i ecën kënaqshëm. Sa i përket Tomiyasu, ju e dini që ai u kthye nga një lëndim i gjatë. Ai nuk ka startuar në asnjë ndeshje ende. Ne do ta marrim vendimin nesër, nëse do të luajë apo jo”, theksoi fillimisht ai.
Arteta gjithashtu tregoi edhe për gjendjen e Thomas Parteyt, për të cilin tha se, me gjasë, nuk do të luajë më këtë sezon
