Arsenali ka shënuar fitore si mysafir i Crystal Palace me rezultat 0:1 në ndeshjen e javës së dytë në Premier Ligë.
Ishte kjo një fitore e vështirë për nënkampion, e cila u bë edhe më e zorshme nga minuta e 67-të kur T Tomiyasu e mori kartonin e dytë të verdhë, shtatë minuta pasi e kishte pranuar të parin.
Sidoqoftë, në fund qëndroi goli i minutës së 54-të që e realizoi Martin Odegaardi nga pika e bardhë.
Me dy fitore, Topcinjtë radhiten të tretët me gjashtë pikë, ndërkaq Crystal Palace të 11-tët me tre sosh.
