Arsenali është skuadra më serioze në garën për Gabriel Jesus.
Ylli brazilian i Manchester City me shumë gjasë do të largohet nga ‘Etihad’ gjatë kësaj vere, për të kërkuar hapësirat e tij diku tjetër.
Arsenal është skuadra që dëshiron të ketë shërbimet e Jesus dhe ata kanë bërë edhe një ofertë formale për lojtarin.
Sipas raportimeve të ‘Goal’, ‘Gunners’ kanë nisur një ofertë drejt zyrave të Man City, përcjell lajmi.net. Kjo ofertë përfshinë 50 milionë euro.
Manchester City ka bërë të qartë se dëshiron së paku 60 milionë euro për të lëshuar Jesus.
Negociatat janë në rrugë të mirë dhe do të vazhdojnë deri në fund për të gjetur një zgjidhje rreth çmimit të kartonit.
