Arkëtari i Partisë Kombëtare Skoceze (SNP), Colin Beattie, u arrestua në lidhje me hetimin për financimin dhe financat e partisë, raporton Anadolu.
Policia njoftoi se 71-vjeçari Beattie është aktualisht në paraburgim dhe po merret në pyetje nga detektivët.
Në njoftimin e policisë thuhet se arrestimi erdhi në lidhje me hetimin për financimin dhe financat e partisë.
Beattie është gjithashtu anëtar i Parlamentit Skocez (MSP).
Arrestimi i tij vjen gati dy javë pasi Peter Murrell, 58 vjeç, bashkëshorti i ish-lideres së partisë dhe kryeministres skoceze, Nicola Sturgeon, u arrestua dhe u mor në pyetje nga detektivët që bastisën shtëpinë e tij në Glasgow dhe selinë e SNP-së në Edinburg.
Murrell u lirua pa u akuzuar në të njëjtën ditë.