Gjatë ditës së djeshme diku rreth orës 19:25 minuta në rrugën “Çerenja” në Shtip, policia, gjegjësisht njësiti special “Tigrat” kanë privuar nga liria 32 vjeçarin E.M. nga Shtipi.
Ai kërkohej me fletarrestim qendror të lëshuar nga Shtëpia Ndëshkuese-Shtip, për shkak të arratisjes nga burgu.
E.M. është i dënuar me 12 vjet e 5 muaj heqje lirie për më shumë vepra penale, ndërkohë që i kishin ngelur edhe 5 vjet e 2 muaj. Personi në fjalë është dërguar menjëherë në burg për të vuajtur dënimin e mbetur.
