Arben Zeqiri nga Aleanca për Shqiptarët, para burgut të Shutkës, ka deklaruar se pesë nga të burgosurit e rastit të Kumanovës, kanë hyrë në grevë urie, për shkak se edhe pse i kanë plotësuar kushtet ligjore nuk u lejohet të kenë fundjavë të lirë.
“Kjo e drejtë u mohohet nga drejtori i burgut edhe pse kanë marrë mendim pozitiv nga komisioni përkatës. Bëhet fjalë për Musadik Pajaziti të cilit tani e 19 muaj i takon e drejta për fundjavë, Arsim Bajramit që 18 muaj i takon fundjava e lirë, Elham Arifi tani e 12 muaj, Irfan Lutfiut 9 muaj dhe Seadodin Abdullai tani më 5 muaj plotëson kushtet për fundjavë të lirë.
I bëjmë thirrje drejtorisë së burgu, ministrisë së drejtësisë, drejtorisë për zbatimin e sanksioneve dhe të gjitha institucioneve kompetente që të respektojnë ligjet në fuqi, konventat ndërkombëtare dhe Kushtetutën e vendit e cila thotë se para ligjit të gjithë janë të barabartë.
Me trajtimin joadekuat që ju bëhet të burgosurve, Maqedonia e Veriut jo vetëm që konfirmon se është një regjim hibrid, por tanimë po shkon drejt sisteme si ajo e Koresë së Veriut”, deklaroi Zeqiri nga ASH.
