Mbrojtësi i Barcelonës, Ronald Araujo shpreson në rikthimin e Lionel Messit në skuadër, gjë kjo e cila do ta ndihmonte gjigantin katalunas ta fitonte edhe Ligën e Kampionëve.
Messi u largua nga Barcelona për shkak se gjiganti i La Ligas kishte probleme financiare dhe nuk mund t’i ofronte zgjatje të kontratës superyllit argjentinas.
Më pas, Messi iu bashkua Paris Saint-Germain si lojtar i lirë më 10 gusht të vitit 2021, dhe që nga ajo kohë ka bërë 65 paraqitje për kampionin francez, duke regjistruar 29 gola dhe 32 asistime mbi emrin e tij.
Tani, Araujo shpreson në një aventurë të dytë të Messit me Barcelonën, pasi kjo e fundit është shtëpia e lojtarit më të mirë në botë sipas tij.
“Do të dëshiroja shumë që Messi të rikthehet. Ai është lojtari më i mirë në botë dhe kjo është shtëpia e tij. Rikthimi i tij do të na ndihmonte neve shumë që të provojmë të fitojmë një tjetër Ligë të Kampionëve”, tha Araujo.
“Unë shpresoj që janë të gjitha mundësitë për ta pas atë edhe një herë. Të gjithë e dëshirojmë atë krahas nesh”, tha më tej Araujo.
