Apple së shpejti do të bëhet kompania e parë që gjobitet për shkeljen e rregullores së re Europiane DMA (Akti i Tregjeve Dixhitale), raportoi Bloomberg.
Burimet në fjalë thonë se Komisioni Europian po përgatitet të aplikojë një penalitet pasi mësoi se praktikat e Apple kanë dëmtuar konkurrencën në App Store.
Lajmi vjen pasi BE-ja vendosi një gjobë prej 1.84 miliardë eurosh ndaj Apple në Mars. Pas një hetimi i hapur nisur nga një ankesë e Spotify, Komisioni arriti në përfundimin se Apple kishte kufizuar mundësitë e zhvilluesve duke mos i lejuar të përdorin sisteme pagesash të jashtme, një praktikë që konsiderohet e paligjshme nën DMA.
Ende nuk dimë sesa është sanksioni financiar i Apple, por rregullat e DMA thonë se kompanitë mund të gjobiten me deri në 10 përqind të të ardhurave vjetore dhe deri në 20 përqind nëse përsëriten shkeljet.
Bazuar në të ardhurat e Apple vitin e kaluar, gjoba e Bashkimit Europian mund të shkojë deri në 38 miliardë dollarë. Komisioni mund të zbulojë sanksionin që prej këtij muaji përpara se Margaret Vestager të largohet nga drejtimi i institucionit të konkurrencës raportoi Bloomberg.
Apple gjithashtu po hetohet për minimin e dyqaneve alternative të aplikacioneve. Në Shtator BE-ja fitoi gjyqin me Apple duke e detyruar këtë të fundit të paguajë 13 miliardë euro taksa të papaguara. /PCWorld Albanian
Burimi: pcworld.al
