Microsoft lançoi versionin e ri të PC Manager, mjetin pa pagesë të optimizimit të Windows 10-ës dhe Windows 11-ës që konkurron me CCleaner.
PC Manager 3.14 tashmë lejon që të shikoni shpejtësinë e internetit në desktop direkt nga Windows taskbar. Kjo do të thotë se mund të shihni sesa shpejtë po lundroni në kohë reale, të dyja, shpejtësinë e shkarkimit dhe ngarkimit.
Microsoft gjithashtu ka shtuar një algoritëm të ri për lirimin e hapësirës që zihet nga të dhëna të panevojshme. Ky përmirësim e bën PC Manager akoma më të mirë një njohjen dhe fshirjen e të dhënave të përkohshme dhe atyre që janë të panevojshme.
Gjithashtu pas këtij përditësimi mund të integroni PC Manager direkt në mini-aplikacionet e Windows 11-ës. Ato shërbejnë për qasjen në informacion me një klikim të vetëm.
PC Manager është një aplikacion i domosdoshëm për mirëmbajtjen e vazhdueshme të kompjuterit. /PCWorld Albanian
Burimi: pcworld.al
