Një funksionalitet i ri AI po vjen në aplikacionin Notepad të Microsoft quajtur Rewrite. The Verge raportoi se Microsoft ka lançuar një version eksperimental të Rewrite tek insajderët e Windows dhe inteligjenca artificiale mund të rishkruajë fjali, të ndryshojë tonin dhe gjatësinë e tekstit në Notepad.
Insajderët e Windows mund të aksesojnë Rewrite duke selektuar tekstin në dritaren e Notepad dhe klikuar opsionin në mënyrë që hapet me të djathtën e mausit.
Një kuti dialoguese do të hapet duke treguar sugjerimet e AI të tekstit të përzgjedhur. Mes opsioneve që paraqiten janë ato që e bëjnë tekstin më të gjatë, i japin tonalitet tjetër apo e formatojnë, opsione që qëndrojnë të gjitha mbi butonin Replace.
Përdoruesit gjithashtu mund të zgjedhin të çaktivizojnë opsionin. Madje edhe Microsoft Paint do të ketë funksionalitetet e saj AI quajtur Generative Fill dhe Generative Erase. I pari mund të shtojë efekte vizuale ndërsa i dytë mund të pastrojë fotot.
Kështu u deshën katër dekada që Notepad të kishte opsionin e kontrollimit të gabimeve gramatikore dhe tani brenda pak muajsh përfshin inteligjencën artificiale.
/PCWorld Albanian
Burimi: pcworld.al
