Shkup, 27 Nëntor – Antibiotikët janë medikamente të fuqishme që luftojnë infeksionet bakteriale. Ata nuk veprojnë në infeksionet e shkaktuara nga viruset siç është gripi thotë mjeku Harkan Memedi. Ai potencon se në rastet e përdorimit të pa nevojshëm të antibiotkiëve sjell rezistencë ndaj antibiotikëve dhe pastaj edhe në rastet e nevojshme nuk do të kenë efekt antibiotikët, ndaj preferohet që ne bazë të simptomatologjisë të merret edhe terapia në kosultim me mjekun amë.
“Në shtetin tonë është e ndalur të marrim antibiotik pa recetë të mjekut, shumica e barnatoreve vetëm se nuk japin antibiotik, mirëpo nëse mjeku e sheh të arsyeshme atëherë mirret. Shumica e prindërve atë e bëjnë në dorë të vet kështu që nuk e arsyetojmë për shkak se formohet rezistencë ndaj antibiotikëve dhe kur fillon të rritet ajo rezistencë atëherë edhe ato antibiotikë të cilët ndihmojnë për shërimin e disa sëmundjeve me kalimin e kohës nuk do të kenë ndikim në ato sëmundje që mund ti shërojnë atëherë se vetëm se përkeqësohet gjendja me përdorimin e antibiotikëve pa nevojë. A sirupa të ndryshëm edhe përdorimi i tyre këshillohet në konsultim me mjekun sepse shumica e sirupeve që i përdorim për kollitje apo dicka të ngjashme nuk janë të preferuar prej pediatërve të përdoren tek fëmijët e vegjël.”, tha për TVM2 mjeku Harkan Memedi.
Qytetarët e anketuar nga TVM2 thonë se në të shumtën e rasteve konsultohen me mjekun amë për tu trajtuar më tej me terapinë adekuatë, ndërsa disa preferojnë të shërohen vet në shtëpi me ilaçe popullore.
“Sigurisht që konsultohem me mjekun amë.”, u shpreh një qytetar.
“Jo jo nëse është grip, mund të marrim ndonjë “Fervex”.”, tha një qytetar.
“Unë shërohem vet në shtëpi, pa shkuar në mjek.”, u shpreh një qytetare.
Mjeku Memedi potencon se çdo terapi me ilaç apo antibiotik duhet të jetë me rekomandim mjekësor pasi terapia caktohet vetëm në bazë të simptomatologjisë.
Burimi: zhurnal.mk
