Kim Kardashian pati një takim mjaft të sikletshëm me Anna Wintour dhe Sarah Jessica Parker gjatë shfaqjes së Fendi-t në Javën e Modës në Nju-Jork të premten e kaluar.
Në një video prej 11 sekondash në TikTok të postuar nga revista franceze Madame Figaro, Kardashian dhe Parker qëndronin pranë njëra-tjetrës, duke duartrokitur, teksa modelet jepnin shëtitjen e tyre të fundit.
Wintour, e cila ishte ulur në anën tjetër të pistës, shkoi për të përshëndetur Parker – por Kardashian mendoi se ajo po vinte tek ajo.
Kim shihet duke i thënë “përshëndetje” redaktores së famshme të Vogue dhe u bë gati për ta përshëndetur para se të kuptonte se Wintour po shkonte në të vërtetë te Parker.
Kardashian shikonte dy ikonat e modës që bisedonin pa të. Videoja përfundoi papritur, kështu që është e paqartë nëse ato e mirëpritën Kim-in në bisedën e tyre.
Pas videos që u bë virale, fansat nxituan të vënë në dukje takimin e sikletshëm. Megjithatë, disa të tjerë dolën në mbrojtje të Kardashian, duke theksuar se klipi nuk është i plotë.
Ylli i “Kardashians” dhe Wintour kanë pasur një marrëdhënie të komplikuar gjatë viteve dhe redaktorja një herë “e ndaloi” atë të merrte pjesë në Met Gala në vitin 2012. Por Kim Kardashian bëri shumë bujë me paraqitjen e saj të vitit 2022 në ngjarjen prestigjioze me fustanin ikonik të Marilyn Monroe dhe madje duke arritur tre kopertina të “Vogue” në SHBA.
