7
Shkup, 30 mars – Mbi 61 për qind e qytetarëve do t’i përgjigjeshin pozitivisht pyetjes së referendumit për hyrjen e Maqedonisë në Bashkimin Evropian, tregon anketa që për emisionin Detektor e zbatoi Instituti për Hulumtime Politike Shkup (IPIS). Përgjigje negative sipas hulumtimit do të jepnin 23,5 për qind e qytetarëve.
Mbështetja për BE-në është më e lartë tek të anketuarit shqiptarë nga të cilët mbi 77 për qind japin përgjigje pozitive, ndërsa te të anketuarit maqedonas përgjigje pozitive japin 55 për qind.
“Megjithatë, parashikimet e qytetarëve për anëtarësimin e plotë të shtetit në BE nuk janë optimiste. Pothuajse një në tre, ose 29,6 për qind thonë se vendi nuk do të anëtarësohet kurrë në BE. 20 për qind ende besojnë se kjo mund të ndodhë në 5 vitet e ardhshme. Se në vitet e fundit ka përparim në zbatimin e reformave dhe arritjen e standardeve evropiane konsiderojnë vetëm 26 për qind e të anketuarve. Megjithatë, krahasuar me të njëjtin anketë të realizuar vitin e kaluar, ka një rënie të ndjeshme të numrit të të anketuarve që thonë se po regresojmë, nga 41 që kanë dhënë një përgjigje të tillë në vitin 2024 në 17 për qind këtë vit. Çdo i dyti i anketuar konsideron se fillimi i negociatave me BE-në do t’i japë një përgjigje sfidave në sektorët kyç si arsimi, shëndetësia, gjyqësori dhe të tjerët.
Hulumtimin e mendimit publik për Detektorin e zbatoi IPIS-i me një anketë telefonike të realizuar nga data 1 deri më 4 mars të këtij viti në një ekzemplar përfaqësues prej 1050 të anketuarve nga i gjithë shteti, tregon anketa.
BURIMI: zhurnal.mk
