Ambasadori polak në vend, Mariush Brimora, në një intervistë për MIA tha se në Bruksel po punohet edhe në nivel dypalësh për afrimin e qëndrimeve mes Shkupit dhe Sofjes. Brimora thekson se vendi duhet të vazhdojë luftën kundër korrupsionit, që është problemi numër një në shoqëri, dhe se Qeveria dhe të gjithë aktorët politikë duhet ta luftojnë korrupsionin dhe ta vënë situatën nën kontroll. Ai shprehet se reformat, paratë nga Plani i Rritjes, plus kushtet e nevojshme që duhen përmbushur në lidhje me ndryshimet kushtetuese, do të hapin dyert për fillimin e negociatave.
“Në fund të shkurtit, zëvendësministri i Jashtëm i Polonisë, Marek Pravda, vizitoi Sofjen dhe zhvilloi bisedime atje, duke përfshirë zgjerimin e BE-së dhe rrugën e Maqedonisë së Veriut drejt Unionit. Pra, po bëjmë gjithçka që mundemi, por përsëri, kur më pyetni për hapin tjetër, përgjigjja ime është e njëjtë – duhet ta përmbushni detyrimin tuaj. Ekziston një shprehje e vjetër “Pacta sunt servanda”, që do të thotë se marrëveshjet duhet të përmbushen. Ky detyrim i Maqedonisë së Veriut është bërë gjithashtu pjesë e qëndrimit të Brukselit, u shpreh Mariush Brimora, ambasador i Polonisë në Shkup.
Burimi: alfax.mk
