Trajneri i Juventusit, Masimilaino Allegri, u shpreh tepër i lumtur pas triumfit 2-0 që skuadra e tij arriti në shtëpi ndaj Interit, në një duel tepër special. Në prononcimin e dhënë për mikrofonin e DAZN pas ndeshjes, tekniku bardhezi ndër të tjera deklaroi:
“Kam folur me Rabio para transferimit të mundshëm. I thashë se në çdo rast e kam respektuar, se e konsideroj një lojtar të madh, me hapësirë të konsiderueshme për përmirësim dhe sonte bëri një paraqitje të jashtëzakonshme. Në momentet e vështira të pjesës së parë patëm pak fat, por zakonisht kur ke një qëndrim proaktiv është më e lehtë të marrësh rezultatin.
Sigurisht që moduli na dha më shumë siguri. Siguritë më të mira janë ato të një skuadre që ende vrapon të gjithë bashkë, kupton momentet e ndeshjes. Në fillim luajtëm gjysmë ore, e lamë lojën. Tani edhe në momentet e vështirësisë mbetemi në lojë. Por kjo frymë është e rëndësishme. Barzali ishte profesor kur mbronte, ishte e jashtëzakonshme ta shihje të mbrohej. Tre mbrojtësit, sidomos në pjesën e parë, bënë një provë të jashtëzakonshme.
Së pari arritëm te mposhtim Interin pas 4 ndeshjesh ndaj tyre, ishte e rëndësishme të fitonim ndeshjen direkte, luajtëm mirë edhe teknikisht, rrezikuam vetëm me Lautaron. Kur i luan këto ndeshje me këtë qëndrim, është e vështirë edhe të pësosh gola.
Kampionati është i gjatë, kemi pasur disa kalime boshe, sidomos në Champions League. Kjo është një fitore që do të na japë kënaqësi. Nesër, megjithatë, ne duhet të kthehemi ne piste: kemi Veronën dhe Lacion.
10 pikë nga Napoli? Jemi dy pikë nga vendi i katërt, kampionati është ende i gjatë. Napoli po bën një kampionat të madh, por pas pushimit nuk e di se çfarë mund të ndodhë. Qëllimi është të bëjmë më të mirën, të mos mendojmë se pas kësaj ndeshje mund të ndalojmë së punuari. Ne duhet të rikuperojmë lojtarët edhe për sa i përket Ligës së Europës dhe të bëjmë hap pas hapi”, u shpreh Allegri.
