Kryetari i komunës së Ferizajt, Agim Aliu, ka pritur dy veprimtarët e shquar sportivë në Diasporë.
Është fjala për presidentin e FC Kosova Dusseldorf, Bujar Neziri dhe koordinatorin Shaban Maloku.
Neziri dhe Maloku e njoftuan Aliun për sukseset e klubit në Bezirksliga 1 dhe për iniciativën e fundit.
“Mirëprita sot, bashkatdhetarët, Shaban Maloku, Bujar Neziri dhe pronarin e televizionit “Diaspora”, Esat Hysaj, me të cilët ndamë momente të këndshme bashkëbisedimi, për sportin padyshim, suksesin e ekipit të futbollit shqiptar në Gjermani FC Kosova Düsseldorf, si dhe zhvillimin e përgjithshëm sportiv në mërgatë, çka padyshim ndër kontributdhënësit më të mëdhenj janë mysafirët që prita sot.
Nga mysafirët u njoftova edhe për nismën e ekipit FC Kosova Düsseldorf dhe bashkatdhetarëve tanë në Gjermani për ndërtimin e një shtëpie në Neredime për një familje në nevojë, solidaritet ky që meriton respekt e vlerësim maksimal”, ka shkruar Aliu në profilin e tij në facebook.
