Lideri i Bashkimit Demokratik për Integrim, Ali Ahmeti bashkë me funksionarë të tjerë të partisë, sot do të vizitojë Tiranën.
Siç bëhet e ditur, në kuadër të vizitës Ahmeti pritet të takohet me kryeministrin e Shqipërisë, Edi Rama.
Vizita është e formatit të njëjtë sikurse ajo që u realizua kohë më parë në Prishtinë, kur Ahmeti me ministrat e BDI-së u takua me kryeministrin e Kosovës, Albin Kurti dhe ministra të tjerë të Qeverisë së Kosovës.
Në këtë takim qe diskutuar për projektet infrastrukturore dhe turistike që i lidhin Maqedoninë e Veriut dhe Kosovën.
