Alex Pereira, kampioni i UFC-së, është përsëri në qendër të vëmendjes, por këtë herë jo për ndeshjet në tetëkëndësh.
Në një video të publikuar në rrjetet sociale mund të shihet braziliani duke u ndeshur ashpër me një luftëtar të panjohur në palestrën Fusion X-Cel në Florida. Sipas informacioneve të disponueshme, duket se ishte ky luftëtar, i quajtur Neil, i cili e sfidoi vetë kampionin në një ndeshje, raporton KosovaPress.
Pereira e përfundoi ndeshjen me një nokaut brutal. Videoja, siç pritej, shkaktoi diskutime të nxehta midis tifozëve. Ndërsa disa menduan se reagimi i Pereira ishte i panevojshëm, të tjerë i dolën në mbrojtje, duke pretenduar se sfiduesi mori pikërisht atë që kërkoi.
Alex Pereira aktualisht po përgatitet të mbrojë titullin e tij të rifituar së fundmi në peshën e lehtë kundër Carlos Ullberg në fillim të vitit të ardhshëm.
Burimi: botasot.info
