Mbrëmjen e djeshme, Egnatia u mposht në gjysmëfinalen e parë të Kupës përballë Partizanit.
Sfida e zhvilluar në stadiumin e Rrogozhinës, përfundoi 0-1 në favor të “Demave”.
Ajo që bën më shumë përshtypje, nuk është fitorja e Partizanit, por humbja e Egnatias në këtë kompeticion.
Kjo për shkak se rrogozhinasit nuk mposhteshin në Kupë që prej vitit 2021, duke pasur një seri prej 20 ndeshje pa humbje.
Humbja e fundit ka qenë pikërisht më 17 nëntor të vitit 2021, kur Kukësi fitonte me rezultatin minimal 1-0. Por pas pothuajse 3 vitesh e gjysmë, pavarësisht dominimit, rrogozhinasit iu dorëzuan golit të Albers Kekos.
Burimi: botasot.info
