Pas ditësh tensioni dhe negociatash të fshehta, Real Madridi ka zyrtarizuar largimin nga projekti i Superligës Europiane, duke mbyllur një kapitull që filloi pothuaj pesë vite më parë.
Në prill 2018, 12 klube, përfshirë Milan, Arsenal, Atletico Madrid, Chelsea, Barcelona, Inter, Juventus, Liverpool, Manchester City, Manchester United, Real Madrid dhe Tottenham, kishin njoftuar krijimin e këtij kompeticioni alternativ ndaj Champions League, por kundërshtimi i tifozëve, ligave kombëtare dhe klubeve të tjera e bëri të paqëndrueshme nga fillimi.
Real Madridi në një komunikatë theksoi:
“Pas muajsh diskutimesh në interes të futbollit europian, UEFA, ‘European Football Clubs’ (EFC) dhe Real Madrid CF kanë arritur një marrëveshje parimore”. Negociatat vazhduan deri në Kongresin e 50-të të UEFA-s.
Nasser Al-Khelaïfi, president i PSG dhe EFC, tha: “Faleminderit të gjithëve për këtë marrëveshje historike… Florentino Pérez është një vizionar që kërkon gjithmonë përmirësim. Nëse dikush mendon se ka humbur, gabon; të gjithë fituan: UEFA, Real Madrid, EFC. Futbolli triumfon, dhe kjo është për tifozët”.
Ai përmendi gjithashtu rolin e Chelsea dhe presidentit Laporta, duke vlerësuar dialogun dhe unitetin e futbollit.
Burimi: botasot.info
