Pas eksperiencës te Genoa, Mario Balotelli vendosi të rinisë karrierën nga Al Ittifaq, një klub që militon në Divizionin e Dytë të futbollit në Emiratet e Bashkuara Arabe dhe që është në pronësi të Pietro Laterza, pronar i Chievos në Serie D.
Dhe ishte pikërisht sipërmarrësi italian ai që zbuloi sesi lindi transferimi i Mario Balotellit në drejtim të Al Ittifaq.
‘Gjithçka lindi pas një kërkimi në Transfermarkt mes futbollistëve që nuk ishin në kontratë me ndonjë skuadër-tregon Laterza-Sapo lexuam emrin e tij, nisëm kontaktet me përfaqësuesit e tij. Është i motivuar, është mirë. Na duhej një sulmues për të shënuar. Për Balotellin, Dubai është vendi i duhur nga ku të rinisë karrierën’
Më pas Pietro Laterza vijon me tregimin e tij duke zbuluar disa detaje të tjera.
‘U takuam në fillim të muajit dhjetor dhe mjaftoi një bisedë për të mbyllur marrëveshjen-shtoi Laterza-Mario është profesionist që ka shumë dëshirë për të luajtur sërish futboll. Në merkaton e janarit mund të merrnim vetëm 1 futbollist të huaj dhe ne zgjodhëm atë’.
Burimi: botasot.info
