Krerët e koalicionit VLEN kanë shprehur ngushëllimet e tyre për aksidentin tragjik që ndodhi mbrëmë në rrugën Rashe – Saraj ku humbën jetën katër anëtarë të familjes Asllani nga Gërçeci.
Fjalët janë të pakta për të përshkruar dhimbjen që po e bashkëndjejmë sonte me familjarët e viktimave të aksidentit të tmerrshëm që ndodhi në rrugën Rashçe-Saraj. Jetë të pafajshme u shuan. Lutemi që kjo dhimbje e thellë të jetë me një fije shprese për shpëtimin e fëmijës së vogël pesëvjeçar.
Shpreh ngushëllimet më të thella për familjet që humbën sonte më të afërmit e tyre.
Kryetari i LD-së – Izet Mexhiti.
Ky vit nisi me një aksident të tmerrshëm që ka rënduar shpirtin e secilit nga ne.
Tragjedia e ndodhur në rrugën Rashçe-Saraj ka marrë jetën e një familje të tërë duke shpëtuar vetëm një fëmij 5 vjeçar prej tyre..Ngushëllime të afërmve!
Qofshin të Parajsës këto viktima të pafajshme!
Kryetari i ASH-së – Arben Taravari.
Jemi të tronditur nga tragjedia që ndodhi sot në rrugën Rashçe-Saraj, ku vetura përfundoj në ujrat e Vardarit. Shprehim ngushllimet më të sinqerta për gjithë banorët e Sarajit për këtë tragjedi të madhe. Në këto momente jemi pranë familjes, miqve dhe dashamirëve. Lusim Zotin e Madh që viktimat t’i bëj banorë të xhenetit!
Kryetar i Lëvizjës BESA – Bilall Kasami.
Fjalët janë të pakta për të shprehur dhembjen që ndiejmë. Ngushëllimet më të thella dhe më të sinqerta i drejtojmë familjeve që po përballen me këtë humbje të rëndë, miqve dhe mbarë shoqërisë tonë. Zoti qoftë me ta dhe i dhëntë forcë në këto momente të vështira.
Kryetari i Alternativës – Zeqirja Ibrahimi.
Burimi: alfax.mk
