Një person ka me veturën e tij ka goditur një shtyllë që gjendet afër ambasadës bullgare, ndërsa pasaj ka goditur edhe dy vetura në pronësi të ambasadës.
“Me datë 10.09.2022 në ora 03:20 është raportuar se në Shkup, në rrugën “Mitropolit Teodosij Golloganov”, përballë ambasadës së Republikës së Bullgarisë, automjeti “Opel Zafira” me targa të Shkupit drejtuar nga një person, ka goditur shtyllën e llambave për ndriçimin rrugor dhe më pas ka goditur edhe dy automjete “Mercedes” dhe “BMW”, në pronësi të Ambasadës, dhe janë larguar nga vendi i aksidentit.
Në vendin e ngjarjes është kryer kontroll inspektuese nga SPB Shkup, ndërsa rasti është duke u zbardhur.
