Gjashte persona janë lënduar si pasojë e një aksidenti mes dy veturave dhe një kamionete në Klinë.
Zëdhënësi i Policisë së Kosovës për rajonin e Pejës, Driton Rugova, ka konfirmuar se aksidenti ka ndodhur në fshatin Pogragjë.
“Sot, rreth orës 17:40, Policia është njoftuar për një aksident trafiku, i cili ka ndodhur në fshatin Pogragjë të Klinës.
Në këtë aksident ishin të involvuara dy vetura dhe një kamionetë. Si pasojë e këtij aksidenti, gjashtë (6) persona kanë pësuar lëndime trupore.
Të njëjtit janë dërguar në Spitalin Rajonal në Pejë për tretman mjekësor”, ka konfirmuar ai.
Burimi: botasot.info
