Një aksident i rëndë ka ndodhur në Devoll pasditen e kësaj të premteje. Sipas informacioneve paraprake bëhet me dije se një 13-vjeçar është përplasur nga një automjet tip “Benz”.
I mituri është transportuar me urgjencë në spital ku po merr kujdesin e nevojshëm, ndërkohë që policia ka bërë shoqërimin në komisariat të drejtuesit të mjetit.
Grupi hetimor dhe policia ndodhen në vendngjarje dhe po punojnë për zbardhjen e rrethanave të ngjarjes.
Devoll/Informacion paraprak
Më datë 04.11.2022, rreth orës 15:05, në fshatin Qytezë, Devoll, shtetasi T. D., duke drejtuar mjetin tip “Benz”, ka aksidentuar një 13-vjeçar, këmbësor në rrugë, i cili u dërgua në spitalin e Korçës dhe ndodhet nën kujdesin e mjekëve.
Drejtuesi i automjetit, shtetasi T. D., është shoqëruar për veprime të mëtejshme procedurale.
Grupi hetimor po punon për përcaktimin e shkaqeve të aksidentit.
