63
Tetovë, 10 nëntor – Një aksident i rëndë trafiku ka ndodhur në autostradën Tetovë-Shkup, në hyrje të fshatit Zhelinë. Dy automjete me targa të Tetovës janë përfshirë në përplasjen, e cila ka shkaktuar lëndime të rënda për dy persona, të cilët janë transportuar menjëherë në Spitalin Klinik të Tetovës për trajtim mjekësor.
Për shkak të aksidentit, njëra korsi e autostradës është bllokuar, ndërkohë që policia ka orientuar trafikun në korsinë tjetër. Autoritetet e rendit janë në vendngjarje dhe po kryejnë hetimet e nevojshme për të sqaruar shkaqet e aksidentit. Për momentin, pritet mbërritja e prokurorit për të vazhduar hetimet.
BURIMI: zhurnal.mk
