Kryetari i Bashkimit Demokratik për Integrim, Ali Ahmeti, pas përfundimit 11-orësh të mbledhjes së kryesisë së kësaj partie ka dhënë edhe një konferencë për shtyp. I pyetur për mundësinë e futjes së Aleancës për Shqiptarët në ekzekutiv, Ahmeti u përgjigj se janë në bisedime, si ai po ashtu edhe shefi i ekzekutivit Dimitar Kovaçevski, por tha se është ende herët të flitet për një epilog konkret për këtë çështje.
Marketing
“Është hapur edhe kjo temë. Takimet me përfaqësues të tyre i kam bërë unë. Ka bërë takim edhe Kovaçevski me zotin Taravari. Do të shohim çfarë epilogu do të ketë nga bisedimet që do bëhen në mes të palëve. Akoma nuk është biseduar për detaje, është një proces në rrjedha e sipër. Ne si shqiptarë kemi nevojë për një unitet më të madh, të jemi pak më shumë të organizuar në drejtim të realizimit të misionit tonë kombëtar.”-tha Ahmeti.
Marketing
