Kryeministri Dimitar Kovaçevski sonte ka shtruar iftar me rastin e muajit të Ramazanit, përcjell TV21. Kovaçevski thotë se Maqedonia e Veriut po vazhdon të kultivojë harmoninë fetare.
“Agjërimi dhe abstenim është i nevojshëm për të forcuar shpirtin tonë dhe për të pranuar se ndryshimet që duam të bëjmë duhet të fillojnë me ne dhe komunitetet tona. Me çdo iftar gjatë Ramazanit ne fitojmë mundësinë për të inkurajuar dhe ushqyer bashkësinë tonë. Republika e Maqedonisë së Veriut si shtet dhe familje e feve të ndryshme, të cilat jetojnë në harmoni me njëra-tjetrën, vazhdon traditën që brezat tanë të mëparshëm na e lanë si trashëgimi”, tha Kovaçevski në fjalimin e tij me rastin e darkës së iftarit.
