“Adnan Kafazi”, pjesa e tretë e triologjisë, pas Prishtinës dhe Tiranës, nga sot do të shfaqet edhe në Shkup, në kinemanë Cineplexx.
Për këtë, në Pastel folën producenti dhe aktori i këtij filmi, Besa Sllamniku dhe Dukagjin Podrimaj, aktor në film.
“Nuk dua ta lodh publikun me dy pjesët e para, pasi që të tre pjesët qëndrojnë si një film. Ai që nuk e ka parë “Zonjushën” ose “Diamantin”, nuk prish punë nëse e sheh “Adnan Kafazin””, tha Sllamniku.
Filmi është një risi në kinematografinë shqiptare dhe paraqet një gërshetim të llojeve të filmave.
Nëse filmat e parë kishin problem me sigurimin e mjeteve financiare, “Adnan Kafazi” e pati më të lehtë, ngaqë suksesi i dy filmave të parë hapi rrugën edhe për mjete shtesë dhe prurje të reja në kastën e aktorëve.
“Adnan Kafazi është një kriminel, monstrum i cili e ka nëntokën e vet, krimin, mafien në vendin fiktiv, që është faktikisht Kosova”, tregon për përmbajtjen e filmi Sllamniku.
