Prishtina F, klubi më i vjetër në kryeqytet në volejbollin e femrave, është ballafaquar dhe po ballafaqohet me probleme të natyrave të ndryshme.
Ekipi garon në Superligën B të Kosovën.
Fejzullah Ademi, sekretar i klubi tregon për peripecitë që u ballafaqua klubi në të kaluarën dhe ku gjendet tani.
“Gjendja në klubin Prishtina-F , është jo e mirë, edicionin e fundit kemi pasur problem material dhe kadrovike, pandemia e ka bërë të veten dhe kemi pasura problem me lëndime të lojtareve të formacionit bazë (5 lojtare të lënduar) gjatë edicionit të fundit si dhe mungesa e mjeteve financiare ka ndikuar ne largimin edhe të lojtareve.
KV Prishtina –F , është duke u munduar të rikuperohet për edicionin e ri, na është premtuar ndihma nga drejtoria për Kulture dhe Rini të KK Prishtina.
Natyrisht se klubi është duke bërë përpjekje për sigurimin e sponzorëve pa të cilët është vështirë me arritur rezultate të dëshiruara.”, thotë Ademi për gazetën kombëtare “Bota sot”.
