“Abuzues”, balada e re e Orit që vjen si një thirrje për forcë dhe dinjitet

Ka këngë që dëgjohen dhe ka këngë që ndihen. “Abuzues”, projekti më i ri i Orit, i përket kategorisë së dytë. Artistja, e cila prej vitesh jeton dhe zhvillon karrierën e saj në Londër, rikthehet me një baladë të mbushur me emocion, dhimbje dhe shpresë.
Në këtë këngë, Ori hap zemrën dhe sjell një histori që buron nga përjetimet e saj, por që mund të jetë historia e shumë grave. Me tekst të shkruar prej saj dhe muzikë të realizuar nga Roi Records, “Abuzues” shndërrohet në një mesazh force për të gjitha ato që kanë njohur zhgënjimin, por kanë gjetur kurajën për t’u ngritur sërish.
Publikuar nga Fole Publishing, kjo baladë vjen si një dëshmi se muzika mbetet mënyra më e bukur për të shprehur atë që fjalët shpesh nuk arrijnë ta tregojnë. Një rrëfim i ndjerë, i sinqertë dhe thellësisht njerëzor, që pritet të prekë zemrat e shumë dëgjuesve.