Shumë grupe kriminale në vendin tonë pas kryerjes së vrasjeve justifikohen me Kanunin, por në shumë raste ata abuzojnë. Sipas avokates Enida Bozheku, kodi penal i ndëshkon ata që keqpërdorin Kanunin me dënime maksimale deri të përjetshëm.
Ajo sqaroi në “360 Gradë” se Kanuni ishte një kod zakonor që rregullonte marrëdhëniet e shqiptarëve, ndërsa besa është fenomen shqiptar që lindi nga të pabesët. Kriminelët, shton Bozheku, përdorin Kanunin si justifikim për të vazhduar marrjen e gjakut.
Ndërkaq psikologia Aurela Agalliu sqaroi se prirja e shqiptarëve për të qenë të dhunshëm vjen nga kultura e trashëguar brez pas brezi dhe se ndër vite i ndiqet modeli i të fortit duke e hiperbolizuar.
Sokolaj e mbështet këtë argument dhe thotë se fatkeqësisht modeli i të fortit mbizotëron jo vetëm në shoqëri, por dhe në familje.
Burimi: botasot.info
