Artan Abrashi nga Lëvizja Vetëvendosje, ka thënë se sistemi i drejtësisë në Kosovë është i çaluar.
Sipas tij, sistemi i drejtësisë në Kosovë gëzon kredibilitetin më të ulët në vend.
“Ne e dimë që sistemi i drejtësisë në Kosovë është i çaluar kryekëput, gëzon kredibilitetin më të ulët në Republikën e Kosovës”, thotë Abrashi.
Ai thekson se “pa marrë parasysh vendimet e Gjykatës Kushtetuese, interpretimet e saja, apo përgjegjësisht gjërat që kanë të bëjnë me sistemin e drejtësisë, nuk gëzojnë ndonjë statusi të dogmës që nuk mund të flasim apo komentojmë për to.”.
Ndryshe, ai është shprehur optimist se Qeveria Kurti II do t’a përfundojë mandatin e saj qeverisës në bazë të afateve të parapara me ligj dhe kushtetutë.
“Vullneti i shumicës së qytetarëve të Kosovës, me aq sa kam mundur me vërejtur unë dhe jo vetëm unë është se ‘qeveria Kurti 2 është t’a përfundojë mandatin e vet Kushtetues ashtu siç e ka marrë në zgjedhje demokratike’, ka thënë Abrashi.
