Kryetari i Lidhjes Demokratike të Kosovës, Lumir Abdixhiku, ka marrë pjesë në përurimin e tunelit të Kurrizit në Prishtinë, duke e quajtur “projekt model të rigjenerimit të kësaj hapësire ikonike të Kryeqytetit.”
Abdixhiku e cilësoi tunelin si “hapësirën më të bukur që ka Kosova sot”, duke përmendur përparimin nga një zonë e errët, e papastër dhe e pasigurt, në një model të ri dhe modern.
Postimi i plotë:
Kurrizi i Prishtinës.
Pamje e re, model i ri. Shembull për të gjithë.
Sonte, në prani të shumë qytetarëve të Dardanisë, përuruam Tunelin e Kurrizit – një projekt model i rigjenerimit të kësaj hapësire ikonike të Kryeqytetit. Nga një tunel i territ, kundërmimit, mbeturinave e vetë frikës, në tunelin më të bukur që ka Kosova sot.
Përparimi dhe ekipi i tij, kur nuk pengohen, krijojnë hapësira si këto – model për komunitetin dhe vetë qytetin.
Do të punohet në çdo anë. LDK, me njerëzit më profesionistë, do t’i japë Prishtinës gjithë potencialin që ka.
Sepse, në fund të fundit, Prishtinën duhet me e dashtë – jo vetëm me e lakmu.
Burimi: botasot.info
