Edhe pse shpesh na thuhet të besojmë se mund të duam vetëm një person në një kohë, në fakt është një teori e diskutueshme.
Jeta, në përgjithësi, nuk është aq e thjeshtë!
“Kur bëhet fjalë për të qenë i dashuruar, të gjitha bastet dështojnë”, thotë për Bustle, psikologia Francesca Hogi. “Gjithçka është ‘normale’.
“Të jesh i/e dashuruar me më shumë se një person është ndoshta shumë më e zakonshme nga sa e kuptojnë njerëzit.”
A nuk është ky një lehtësim për secilin prej jush që aktualisht jeni të dashuruar me më shumë se një person – ose mendoni se mund të jeni?
1. Ne kemi përkufizimin tonë të të qenit ‘të dashuruar’
Si e përkufizoj unë dashurinë dhe si e përkufizoni ju dashurinë janë dy gjëra shumë të ndryshme. Një person mund t’i interpretojë ndjenjat e tij si dashuri, një tjetër si pasion, një tjetër si epsh. Meqenëse është kështu, njerëzit mund ta etiketojnë siç e shohin të arsyeshme.
via GIPHY
2. Ne mund të duam më shumë se një person në një kohë
Jemi të aftë të duam shumë njerëz në mënyra të ndryshme, pasi ka shumë lloje të ndryshme dashurie…
3. Dashuria është e komplikuar
Dashuria është një përzierje e ndërlikuar hormonesh dhe kimikatesh që bashkohen për të na bërë të ndiejmë atë që ne e quajmë dashuri. Dashuria ndryshon me kalimin e kohës, vjen dhe shkon, forcohet dhe dobësohet dhe mund të zhduket plotësisht për t’u rikthyer përsëri, më vonë, për një raund tjetër.
4. Tërheqja është biologjike
Ne në të vërtetë nuk kemi shumë kontroll se nga kush tërhiqemi sepse biologjia është jashtë kontrollit tonë. Edhe pse këto dëshira të shumta mund të kategorizohen si epsh ose pasion, dashuria është diçka që ne e përcaktojmë personalisht.
5. Dashuria nuk vdes domosdoshmërisht
Nëse keni qenë i/e dashuruar me dikë, kjo dashuri nuk vdes përgjithmonë.
Shumë njerëz e pranojnë lirisht se do ta duan gjithmonë një ish, edhe pse e konsiderojnë veten të dashuruar me partnerin e tyre aktual. Përfundimi është se të kesh ndjenja për më shumë se një person në të njëjtën kohë është krejtësisht normale.
