Pushtimi rus i Ukrainës po kërcënon furnizimin global të ushqimit pasi lufta ndërpret dy nga eksportuesit kryesorë të grurit në botë – Ukraina dhe Rusia përbëjnë rreth një të tretën e shitjeve vjetore globale të grurit, raporton BBC, përcjell Bota sot.
Javën e kaluar, kryeministri indian Narendra Modi i tha presidentit amerikan Joe Biden se India ishte gati të dërgonte ushqim në pjesën tjetër të botës pas goditjeve të furnizimit dhe rritjes së çmimeve për shkak të luftës.
India është prodhuesi i dytë më i madh i orizit dhe grurit në botë. Që nga fillimi i prillit, ajo kishte në magazinë 74 milionë tonë të dy produkteve kryesore. Dhe është gjithashtu një nga furnizuesit më të lirë globalë të drithërave.
Por nuk është një gjë e sigurt që India mund të vijë në shpëtimin e botës. Ka shqetësime për një korrje të dobët këtë vit dhe për mungesën e plehrave.
