Kryeministri Edi Rama është pyetur nëse gjatë takimit me kryeministren e Italisë Georgia Meloni është diskutuar për marrjen e ujit nga Syri i Kaltër dhe dërgimi në Puglia të Italisë.
Rama është shprehur se çështja e ujit është një temë e hapur që në vitin 1930 nga çdo kryeministër i Italisë, por që nuk ka ndodhur asgjë. Ai madje tha se Shqipëria është e gatshme nëse do të ketë një investim të mirë që vendi të ishte përfitues.
“Çështja e ujit te Syri i Kaltër është një çështje ose ta them temë që është e hapur që në vitin 1930. Ideja që Puglia të merrte ujë nga Syri i Kaltër. Atë temë e kanë prekur të gjithë kryeministrat italianë dhe ja ku jemi.
Nëse ka mundësi të bëhet dicka ne do ishim shum të lumtur dhe të ishim pjesë e një marrëveshje dhe Shqipëria të kishte fitim. Atëherë pse jo? Por është një projekt gjigand dhe kur shohin koston më pas e lënë për një kohë tjetër”, tha Rama për “Repolitix”.
