Nëse keni vizituar së fundmi mjekun tuaj, me siguri do t’ju kujtohet se para se t’ju ekzaminonte, ai ju bëri disa pyetje personale në lidhje me rutinën dhe zakonet tuaja. Jo, ai nuk e bëri për të thyer akullin dhe për të dëgjuar lajmet tuaja, por për të kuptuar nga përgjigjet tuaja nëse jeni vërtet të shëndetshëm.
Ju gjithashtu mund t’i bëni vetes pyetje të ngjashme në intervale të rregullta, në mënyrë që të përpiqeni të vëzhgoni sjelljet, zakonet që mund të lidhen me mirëqenien dhe shëndetin tuaj.
A e mbroj vërtet shëndetin tim?
Duhet të pyesni veten nëse jeni vërtet duke pushuar siç duhet, nëse po flini mjaftueshëm orë, nëse po e menaxhoni stresin tuaj, nëse po ushqeheni siç duhet dhe nëse po ushtroni shpesh. Sipas Dr. Michael McGee, “ne jemi një sistem jetese dinamik që kërkon mirëmbajtje dhe ka mënyra për të ruajtur vitalitetin tonë, për të lehtësuar disponimin tonë dhe për të rritur energjinë tonë”. Në të njëjtën kohë, ai sugjeron të kemi një strukturë dhe zakone që do të na ndihmojnë të mbajmë një imazh të shëndetshëm.
A jam i pranishëm në punën time?
“Puna” qoftë ajo shkollë, universitet apo profesion, duhet të na ofrojë përfitime, përveç shpërblimeve financiare. Pra, duhet të pyesni veten, a jam unë prezent? A jam i përkushtuar dhe i vlerësoj mundësitë? A po kontribuoj në punën time? Nëse puna nuk të jep më kënaqësinë që ndjeje, deri në atë pikë sa nuk po jep as 100%, atëherë duhet të kërkosh diçka ndryshe.
A po luaj/ argëtohem mjaftueshëm?
Është e rëndësishme të jeni serioz në vendin tuaj të punës, por edhe në jetën tuaj, pa kuptimin që nuk ju lejohet të argëtoheni. Kjo do të thotë që gjatë ditës mund të vidhni disa minuta për të qenë për pak kohë fëmijë dhe të shijoni jetën përmes një loje. Në këtë mënyrë jo vetëm që do të freskoheni, por do të jeni më produktivë. Mund të jetë një lojë tavoline, një hobi, ju përcaktoni se çfarë do të thotë për ju fjala lojë.
A vendos krem kundër diellit?
Të mbrosh shëndetin nuk do të thotë vetëm të shkosh te mjeku, por edhe të kujdesesh për trupin. Pra, duke qenë se ekspozimi në diell është i pashmangshëm, qoftë në makinë, në punë, apo ulur për një kafe jashtë, duhet të keni parashikuar dhe vendosur krem kundër diellit në pjesët e ekspozuara të trupit për të mos u përballur me efektet e rrezikshme. e rrezeve UVA dhe UVB.
Si janë marrëdhëniet e mia?
Marrëdhëniet në jetën tonë, qofshin ato miqësore, familjare apo romantike, luajnë një rol kyç pasi nëpërmjet kësaj lidhjeje fitojmë përfitime dhe reduktojmë mundësinë e shfaqjes së ndjenjave si depresioni, vetmia, ankthi. Kjo është arsyeja pse ndërsa mbroni trupin dhe shëndetin tuaj, duhet të ruani marrëdhëniet me ata që ju rrethojnë, duke bërë çdo ditë përpjekjen për të qenë pranë njerëzve që doni.
Si ndihem pasi kam ngrënë?
Sipas hulumtimeve, sistemi tretës ruan shëndetin fizik dhe mbështet shëndetin mendor, ndërsa zorra përmban 70%-80% të qelizave imune të trupit, duke e bërë atë një pjesë të rëndësishme të sistemit imunitar.
Në të njëjtën kohë, lidhet me gjendjen shpirtërore, pasi aty ndodhet mikrobioma që sekreton 90% të serotoninës në trup dhe 50% të dopaminës. Pra, kur nuk ndihemi me energji pas një vakti ose kemi simptoma të tilla si kapsllëk, fryrje, dhimbje, kjo do të thotë se mikrobioma është jashtë ekuilibrit, gjë që mund të çojë në situata të pakëndshme.
Një ide e mirë është të hani vaktin tuaj të fundit deri në orën 7-8 të mbrëmjes dhe të jetë i lehtë, në mënyrë që trupi juaj të ketë mundësinë të pastrohet dhe detoksifikohet për të paktën 12 orë. Nëse simptomat vazhdojnë, duhet të shihni një mjek.
