Një ditë të zakonshme e kalon këtu në Plemetin të Obliqit.
29 vjeçari, Ramadan Ajeti nuk është në punë dhe jeton me asistencë sociale në vlerë 70 euro.
E shtesën prej 100 eurosh që e ndau Qeveria e Kosovës, ai e mirëpret, por thotë se nuk i mjafton.
Në fshatin Plemetin për shumicën e banorëve, jeta është e rëndë.
Këtu në hyrje, jeton edhe Safete Gashi me 10 fëmijët e saj, e cila kërkon nga Qeveria një jetë më të mirë.
I pakënaqur me këtë pako, është edhe 22 vjeçari, Enver Mustafa.
Ai as nuk studion dhe as s’është në punë, për këtë arsye nuk i takojnë 100 euro.
Ndërkohë, Habib Gashi e mirëpret një skemë të tillë.
Sidoqoftë për familjet e komuniteteve, thotë se duhet të bëhet më shumë.
Përfitues të kësaj skeme janë studentët, pensionistët, punëtorët e sektorit privat dhe personat me asistencë sociale.
