Sipas specialistëve, një nga arsyet më të shpeshta të shfaqjes së gërhitjes tek fëmijët lidhet me butësinë e kërceve të rrugëve të frymëmarrjes, të cilat janë më të ngushta në krahasim me të rriturit.
Shpeshtësia e frymëmarrjes me gërvishtje tek fëmijët është 15 herë më e madhe se tek të rriturit gjatë vitit të parë të jetës, 10 herë më e madhe gjatë periudhës parashkollore dhe 5 herë më e madhe gjatë periudhës shkollore.
Kur kjo ngushtësi shoqërohet me infeksion apo alergji ndikon në ngushtimin edhe më shumë të kanalit dhe kështu bëhet shkak për kalimin me vështirësi të ajrit.
Shtimi i sekrecioneve të lidhura me infeksionin bronkial dhe ngushtësia e kanalit ku kalon ajri bëhet shkak i nxjerrjes së një zëri të ngjashëm me fishkëllimën, gjatë lëvizjes së sekrecioneve ne dëgjojmë një gërhitje të vogël.
Si mund të dallojmë gërhitjen e thjeshtë nga një bllokim në frymëmarrje?
Në fillim rritet numri i frymëmarrjeve. Ky zë përngjason me zërin e një gërvishtjeje apo mërmërimës së maces kur ia fërkon kurrizin. Nëse fëmija duket sikur fishkëllen në gjumë, atëherë është për t’u shqetësuar.
Burimi: GAZETA.MK
