Manchester City raportohet se ka arritur marrëveshje me Erling Haaland.
Lajmi është dhënë nga Daily Mail, që thotë se norvegjezi tashmë ka pranuar, nëpërmjet agjentëve të tij, kushtet e kontratës së propozuar nga klubi anglez që do t’i garantonte atij një pagë prej 600 mijë euro neto në javë dhe e cila do ta bënte atë të ishte më i paguari në Premier Ligë.
Për Haaland ka interesim edhe nga klube si Barcelona e Real Madridi, por tashmë skuadra e Pep Guardiolas raportohet se ka bërë hapin vendimtar dhe ka bllokuar lojtarin dhe operacioni do të mbyllet në afatin kalimtar veror.
Haaland shihet si pika kryesore e projektit të Cityt për sezonin e ardhshëm derisa ata janë duke luftuar për titull kokë më kokë me Liverpoolin në këtë sezon.
