Prokuroria Themelore në Gjilan ka bërë të ditur se gjatë periudhës 24-30 mars ka proceduar 46 aktakuza ndaj 50 personave.
Gjatë kësaj kohe, janë regjistruar gjithashtu 18 kallëzime penale ndaj 23 personave.
Po ashtu, brenda kësaj jave janë marrë 37 aktvendime, duke përfshirë vendime për fillimin e hetimeve, procedurat përgatitore, pushimin apo zgjerimin e hetimeve, hedhjen e kallëzimeve penale, si dhe vendime të ekspertëve mjeko-ligjorë dhe për ekzaminime.
Në kuadër të veprimeve të ndërmarra, janë ndaluar katër persona, janë pranuar 17 raporte për mbyllje të rasteve dhe janë paraqitur dy kërkesa për caktimin e masës së paraburgimit.
Ndër të tjera, Prokuroria njofton se gjatë kësaj jave prokurorët kanë intervistuar gjithsej 21 persona në kuadër të procedurave hetimore.
Burimi: botasot.info
