Më poshtë do të gjeni 4 zakone që ofrojnë lehtësim të madh të stresit, krahasuar me përpjekjet minimale që nevojiten për t’i bërë.
1. Nëse ju duhet të gjeni një artikull fizik ose një informacion përpara një takimi ose ngjarjeje të ardhshme, gjejeni direkt tani (sapo ta mendoni)
Ndonjëherë ne themi, “Para se të shkoj në…, duhet të gjej ose të bëj…”. Ndoshta ju duhet të printoni diçka, të sillni një dokumentacion në takim, të gjeni një faturë për artikullin që do ktheni në dyqan etj.
Gjetja e këtyre gjërave mund të marrë një kohë të paparashikueshme. Kështu, ju mund të pastroni rrëmujën mendore duke e bërë në moment atë që kishit për të bërë.
Sigurisht, bëjnë përjashtim rastet kur po bëni diçka shumë më të rëndësishme dhe kur kostoja e të harruarit potencialisht të detyrës suaj të vogël ndoshta nuk është aq e rëndësishme sa kostoja e ndërprerjes së punës që po bëni.
2. Përpara se të filloni një telefonatë në Zoom ose të dilni nga shtëpia për një “date” ose një takim miqsh, vendosni një alarm
Kur kemi një takim të afërt, shpesh mendojmë: “Duhet të mbaj një sy te ora”. Kjo do ju mbajë vazhdimisht të shpërqendruar për të bërë gjëra të tjera. Zgjidheni këtë problem duke vendosur një alarm, në mënyrë që t’i lejoni vetes të zhyteni në një detyrë tjetër, pa frikë se do të humbisni ndjenjën e kohës dhe do të vonoheni.
3. Identifikoni kur një vendim është i parëndësishëm
Etiketimi mendor i detyrave si të parëndësishme ju jep fleksibilitet. Nëse keni prirje të jeni të ashpër me veten ose jeni perfeksionist, atëherë nuk keni nevojë t’i zbatoni ato aftësi në një detyrë jo shumë të rëndësishme.
4. Planifikoni për gjënë më të mundshme për të shkuar keq
Planifikimi për gjithçka që mund të shkojë keq është joefikas, rraskapitës dhe sinqerisht, i pamundur. Ne nuk mund të shqetësohemi në një gjendje qetësie, ose të reduktojmë të gjithë pasigurinë në zero.
Një rrugë e mirë e mesme është të planifikoni ose për gjënë që ka më shumë gjasa të shkojë keq, ose gjënë më të keqe që mund të shkojë keq. Kjo strategji shmang kurthet e të qenit verbërisht optimist dhe do t’ju japë shumë praktikë në zgjidhjen kreative të problemeve.
Bëjeni planifikimin për gjënë e vetme që ka më shumë gjasa të shkojë keq. Do të zbuloni se trajtimi i shqetësimit tuaj më të madh ju ndihmon të hiqni dorë mendërisht nga shqetësimet më të vogla. Njerëzit në ankth ndonjëherë mbingarkohen aq shumë nga vëllimi i të gjitha shqetësimeve të tyre, saqë nuk zbutin asnjë prej tyre.
