Komisioneri Shtetëror i Zgjedhjeve ka vendosur t’i dërgojë Prokurorisë 29 kandidatë për kryetar bashkie dhe këshilltarë bashkiakë për hetim të thelluar.
5 nga 10 kandidatët për kryebashkiak që kanë pranuar në formularin e dekriminalizmit se kanë pasur në të shkuarën probleme me ligjin, ose ka një kërkesë për ta nga subjektet kundërshtare, i përkasin Partisë Socialiste, 3 koalicionit Bashkë Fitojmë, 1 Partisë Demokratike dhe 1 Partisë për Demokratizimin dhe Integrimin e Shqipërisë.
Kandidatët që KQZ i ka dërguar Prokurorisë për verifikim:
Kreshnik Riza Hajdari – PS Bashkia Kuçovë.
Qerim Ismail Ismailaj – PS Bashkia Mallakastër.
Artur Xheke Bushi – PS Bashkia Krujë.
Kristian Luigj Shkreli – PS Bashkia Vau i Dejës.
Beqir Zek Mulaj – PS Bashkia Has.
Rezeart Xhelal Tusha – BF Bashkia Shijak.
Elvis Jani Hajdërlli – BF Bashkia Devoll.
Dhionisios (Alfred) Petro Beleri – BF Bashkia Himarë.
Agron Faslli Kapllanaj – PD Bashkia Mallakastër.
Abedin Rasim Oruçi – PDISH Bashkia Kukës.
Për kandidatatin e Mallakastrës, kryebashkiakut aktual socialist, Qerim Ismailajn nga përfaqësuesi ligjor i PD-së u pretendua se është në kushtet e ndalimit të kandidimit, por duke qenë se dokumentacioni është dorëzuar në KZAZ e Mallakastrës dhe jo në KQZ, u vendos që të shqyrtohej ky rast nga vetë administra e KQZ përpara se t’i dërgohet Prokurorisë për verifikim të thelluar.
Ndërkohe që 2 kandidatët në listën shumëemërore për deputetë të Partisë Socialiste Ilir Beqaj dhe Bardh Spahia i PD-së nuk pranuan të marrin mandatin e deputetit që e përfitonin nga dorëheqja e Benet Becit dhe Zef Hilës.
