20 përqindëshi, Ahmeti: Prioritet ndryshimet kushtetuese

1 minut lexim

Kreu i BDI-së Ali Ahmeti e ka vlerësuar si pozitiv takimin e sotëm të liderëve politik, me shpresë se takimet e tilla do të vazhdonin edhe në të ardhmen. Sipas Ahmetit, takimi ishte zhvilluar me debat të hapur, konstruktiv dhe me dallime në qëndrime nga liderët e shumicës parlamentare dhe opozitës.

I pyetur për kërkesën e partive opozitare shqiptare që të hiqet “20 përqindëshi” nga Kushtetuta, tha se kjo është çështje prioritetesh dhe se qëndrimin do ta ndërtojnë pasi të hapet kjo temë.

“Mbi të gjitha prioritet i është dhënë ndryshimeve kushtetuese dhe kur të hapet një diskutim i tillë, sigurisht që duhet parë se cili është prioriteti kryesor në situatën ku ne ndodhemi edhe do të ndërtojmë qëndrime rreth kësaj çështjeje”, u përgjigj Ahmeti.

Ahmeti bëri thirrje që të tejkalohen nostalgjitë e së kaluarës, pasi sipas tij, nëse hapen tema që i takojnë së kaluarës atëherë vështirë se vendi mund të ecë përpara.

Të gjitha
Placeholder Photo
Story i mëparshëm

Për 9 muaj në Maqedoninë e Veriut është regjistruar afër 3 miliardë euro dallim ndërmjet importit dhe eksportit

Story i radhës

Thaçi për Lëvizjen Besa: Në politikë budallenjtë janë më të rrezikshëm se tradhtarët (VIDEO)

Të fundit nga